Ab kiya likhoon kaghaz per?

Ab kiya likhoon kaghaz per?
Ab likhnay ko kia baqi hai?

Ek dil tha wo bhi toot gya
Ab tootnay ko kia baqi hai?

Ek shakhs ko hum ne chaha tha,
Ek rait pe naqsh banaya tha,

Wo rait to kab ki bikhar gai,
Wo naqsh kahan ab baqi hai?

Hum jin ko apni nazmon ka unwaan banaya karte thay,
Lafzon ko bana ke Taj Mahal, 
kaghaz per sajaya kartay thay,

Wo hum ko akela chorr gaya,
Sub rishton se moun mor gaya,

Ab raastay saray soonay hain,
Wo pyar kahan ab baqi hai,

Ab kiya likhoon kaghaz per,
Ab likhne ko kia baqi hai..!!!!!!!!