Aseer e Dasht e Wafa Ka Na Majra Kehna
Tumam Poochhnay Walon Ko Bas Dua Kehna
Yeh Kehna Raat Guzarti Hai Ab Bhi Aankhon Mein
Tumhari Yaad Ka Qaiyam Hai Silsila Kehna
Yeh Kehna Chand Nikalta Hai Baam Per Ab Bhi
Magar Nahi Hai Woh Shab Ka Ab Maza Kehna
Yeh Kehna Hum Ne Hi Tufan Mein Daal Di Kashti
Qasoor Apna Hai Dariya Ko Kya Bura Kehna
Yeh Kehna Tum Se Bichhar K Bikhar Gaya Hoon Main
K Jaisay Hath Se Gir Jaye Aaina Kehna
No comments:
Post a Comment