Wo ik masoom si chahat

Wo ik masoom si chahat,
Wo ik benaam si ulfat
Wo meri zaat ka hissa,
Wo meri zeest ka qissa
"Mjhy Mehsoos hota hai,,,
Wo mere paas hai ab bhi"
Wo jab jab yaad ata hay,
Nigahoun me samata hai
Zuban khamosh hoti hai,
Magar ye Ankh roti hai
Mein khud se puch leti hun,
Usay kya pyaar hai mjh se
Jawaban soch leti hun,
Usay bhe pyaar hai “SHAYAD”
Isi “SHAYAD” se wabsta hai,
Ab to her khushi meri
Yahi ek lafz “SHAYAD” Ban gya hai Zindagi meri ..

Wohi galian wohi koochay

Wohi galian, wohi koochay, wohi sardi ka mosam hai..
Isi andaz say apna nizam- e- zeest barham hai..
Ye husn-e-ittafaq aisa k nikhri chandni bhi hai...
Wohi hr simt wirani, udasi, tishnagi c hai...
Wohi hai bheer sochon ki, wohi tanhaiyan phir say...
Musafir ajnabi or dasht ki pinhaian phir say..
Wo jis k honay say zindagi naghma sarai hai..
Usay kehna k bheegi SARDIAN phir loat ayi hain...!

Wohi aahatain dar-o-baam per

Wohi aahatain dar-o-baam per
Wohi rat-jagon k azaab hain
wohi adh-bhuji meri neend hai
wohi adh-jaley mere khuwab hain
ye na poch kese basar kiye
shab-o-roz kitne pehar jiye
kisey raat din ki tameez thi
kisey yaad itne hisaab hain.....

(SUBMIT YOUR POETRY)

Wafaa k Qaid Khano Mein

Wafaa k Qaid Khano Mein

Sazayen kab Badalti Hain,

Badalta Dil ka Mosam Hai

Hawa...yen kab badalti Hain,

Libada Aurrh kr Gham ka

Nikal jate Hain Sehra ko,

Jawab Aye k Na Aye

Aadayen kab Badalti Hain,

Koi pa kr Nibhata Hai

Koi kho kr Nibhata Hai,

Naye Andaaz Hote Hain

Wafayen Kab Badalti Hain..!!

WO husn-e-Mujassam kamal uski aankhain

WO husn-e-Mujassam kamal uski aankhain
Sarapa-e-Mohabat jamal uski aankhain
main jab b poochon sawal us se koi
Muje roz deti hain tall uski aankhain
jo bachey to do jahan de k le loon
Wo chehra wo zulfain wo gall uski aankhain
Ager koi poochey k dunia main kia hai
zamana de ga misal uski aankhain

Woh Jo Badla To Rubaru Hum Bhi Badal Gaye

Woh Jo Badla To Rubaru Hum Bhi Badal Gaye
Wafa Ki Thi Us Sey Bandagi To Nahi

Zindagi To Faqat Yuun Hi Kat Jaye Gi
Hasrat-E-Zindagi Tha Woh Shart-E-Zindagi Tu Nahi

Wo Bazahir Jo Zamaney Se Khafa Lagta Hai

Wo Bazahir Jo Zamaney Se Khafa Lagta Hai.

Hans K Bolay Bhi To Duniya Se Juda Lagta Hay.

Aur Kuch Dair Na Bujhne De Isay Rab-e-Saher.

Doobta Chand Mera Dast-e-Dua Lagta Hai.

Jis Se Munh Phair K Rastey Ki Hawa Guzri Hai!

Kisi Ujray Hue Aangan Ka Diya Lagta Hai.

Ab K Sawan Mein Bhi Zardi Na Gayi Chehroon Ki.

Aise Mausam Mein To Jungle Bhi Hara Lagta Hai.

Shaher Ki Bheer Mein Khultey Hein Kahan Us K Naqoosh.

Aao Tanhai Mein Sochein K Woh Kia Lagta Hai.

Munh Chupaye Hue Guzra Hai Jo Ehbaab Se Aaj.

Uski Aankhon Mein Koi Zakhm Naya Lagta Hai.

Ab To Mohsin K Tassawar Mein Utar Rab-e-Jaleel.

Is Udasi Mein To Pathar Bhi Khuda Lagta Hai.